بمناسبة رمضان صور للكعبة

مش حتكلم وارغى كتير
الصور بتكلم عن نفسها
يارب اوعدنا بحج بيتك قبل ما نموت احنا واهلينا و باقى المسلمين واللى زارها ويزورها تانى و تالت

رمضان كريم

السلام عليكم ورحمة الله و بركاته
اولا كل سنة وكل الناس طيبة اسكندرانين و غير اسكندرانين عرب و مصرين واجانب -كل سنة واحنا الى الله اقرب كا سنة واحنا الى الجنة اقرب كل سنة واحنا الى الاصلاح اقرب كل سنة واحنا احسن ....
وباذن الله رمضان دة يبقى احسن من رمضان اللى قبله ورمضان اللى بعدة يبقى احسن و احسن من اللى قبلهم اللهم امين
ثانيا نتكلموا عن اسكندرية و الاسكندرانية شوية بس مش فى اي وقت -ماتخافش دة مش غيبة ولا نميمة -حنتكلم عنهم فى رمضان
بص يا سيدي الاول صلى على النبي -علية الصلاة والسلام-..
اسكندرية فى رمضان بيبقى ليها طعم تانى طعم مختلف بتحس ان البلد بقت عروسة بجد منظر الغروب على الكورنيش تحفة و الفطار على البحر حاجة اخر منجهه ...اكيد ما جربتهاش من قبل كدة
البحر ...دة صاحبي و صاحب كل الاسكندرانية تقدر تقول اخونا الكبير ساعات كتير بقعد اتكلم معاه و اشتكيله و يشتكيلى -مش جنان لا سمح الله-بس بجد بستريح وانا بتكلم معاه بحس ان روحى صيفيت و عرفت اللى عايز اعرفه
البحر دة زي ما قولتلك اخوانا الكبير.. بحس انه حاسس بينا يعنى ساعات تحس انه مبسوط و فرحان وبيضحك وساعات تحس انه زي العيل الصغير بيقولك تعال العب معيا شوية وساعات تحس انه هادى و راسى وبيفكر فى حاجة وساعات تحس انه زعلان و حزين وتحس انه عايز يعيط
اما لما بيزعل او يتنرفز فيلا السلامة بتحس انه مارد قايم و بيشيل كل اللى حواليه
انا بحس بيه و هو بيحس بيا اصل احنا زي ما قولتلك فى الاول اصحاب واخوات
تصدق انا ساعات بروح اتكلم معاه مخصوص لوحدى واعقد على الصخرة وافرد نفسى وافضل اتكلم معاه لحد ما انام و لما اصحى ابقى خلاص المشكلة اتحلت خلاص واقوم مستريح و كل حاجة فى الجون
سامعك بتضحك وبتقول مجنون !! ماشى ياعم اصل انت عندك حاجة لونها زيتي و بقيت ريحتها وحشة للاسف
والله ساعات بفضل اتكلم معاه اكتر ما بتكلم مع اهلى فى البيت!!! امى بيتشتكى من الموضوع دة انى مش بتكلم معاهم
فعلا محدش حاسس بيا غير اخويا البحر منه نذهب واليه نعود

ماعلينا نرجع تانى ل موضوعنا و ماعنا تيلفون و نقول الو-مش على الهوا احنا - طيب

بص يا حاج اسكندرية فى رمضان بيبقى ليها طعم مختلف -قولنا دة فى الاول -معلش العتب على النظر- الزينة ماليه الشوراع و الناس معلقة فوانيش خشب و كرتون وحديد فى الشوارع بعد المغرب بينورها و الناس بتجري رايحة على الجامع تصلى التروايح
افتكر انى حطيت صورة جامع القائد ابراهيم فى صلاة التهجد ....
بس يا سيدي البلد كلها بتبقى كدة نفطر ونصلى التروايح و ننطلق زي النورس على البحر يانقعد على قهوة يا نقعد على الكورنيش يا نتمشى نهضم اثار المعركة بتاعة الفطار كدة يعنى ...
تشم فى الشوارع ريحة غريبة ما تشمهاش فى حتة قبل كدة ريحة البخور بريحة التقوي بريحة اللمة والصحاب واكيد برريحة يود البحر
رمضان بيحب اللمة ويحب السهر و الصحاب والتعبد بيحب كل حاجة نضيفة

طولت عليك معلش -مش صايم برضة و لا زى كل سنة
اخيرا حسيبك مع شوية حاجات و تقبل الله منا و منكم ومن بقية المسلمين

مع المعشوقة الجزء التانى

بذمتك مش احلى بلد فى الدنيا
الصورة اللى فوق دة صورة التهجد فى العشرة الاواخر من رمضان من جامع القائد ابراهيم من فوق
كل سنة بيبقى الوضع زي ما انت شايف واكتر
عموما كل سنة وانتوا طيبين و تقبل الله

الى معشوقتى الى محبوبتى ..الى اسكندرية

بوست النهاردة يا اسكندرانية
مش حتكلم كتير بس عيش مع حبيبتك مع عشقى و عشقك
مع اسكندرية

يا اسكندرية

كلنا فاكرين اغنية محمد منير بتاعة يا اسكندرية غنها فى سنة 1992
عموما الاغنية جامدة جدا و شديدة و انصح كل اسكندرانى انه يسمعها

ودة كلمات الاغنية اللى هى من تاليف احمد فؤاد نجم
حسيبكوا معاها

اسكندرية

يا اسكندريه

بحرك عجايب

ياريت ينوبني م الحب نايب

تحدفني موجه

على صدر موجه

والبحرهوجه

والصيد مطايب

أغسل هدومي

وأنشر همومي

على شمسه طالعه

وأنا فيها دايب

كأني فلاح في جيش عرابي

مات ع الطوابي

وراح في بحرك

كأني نسمه فوق الروابي

م البحر جايه

تغرق في سحرك

كأني كلمه من عقل بيرم

كأني غنوه من قلب سيد

كأني جوا المظاهره طالب

هتف باسمك

ومات معيد

كأني صوت النديم

في ليلك

بيصحي ناسك

يشدوا حيلك

كأني طوبه من بيت في حاره

كأني دمعه

في عيون سهارى

كأني نجمه فوق الفناره

تهدي الحيارى

والبدر غايب

يا اسكندريه

يامصراويه

على سن باسم

على ضحكه هاله

البحر

شباك ومشربيه

وانتي الاميره

ع الدنيا طاله

يا اسكندريه عاشق

وبدوي

ارتاح في حضنك

والود ودي

يكون كلامي

عربون غرامي

وبالمحبه

ناخد وندي

يا اسكندريه فيكي الغلابه

ع الرزق يسعوا ولايناموش

صبح صباحهم

رجع مساهم

وزاد شقاهم

ومارتاحوش

يا عيني ع اللي الزمان تعبهم

وضاع تعبهم

ومالتقوش

نزل شبكهم

في بحر طامي

طلع شبكهم

على فاشوش

وفيكي بين البشر

ديابه

وفيكي فوق البشر

وحوش

وفيكي ناس مغرمين صبابه

لو خان زمانهم

مابيخونوش

وفيكي خمري

سلمت امري

ما اقدرش اشوفه

وما انيلوش

سمك يا بني يا اسكندراني

في العشق واحد

مالكش تاني

سمك يابني يا اسكندراني

في الحسن ساحر ومعجباني

سمك يابني

والعشـق غيه

تبدأ بنظره

تبقى ملاغيه

وكل عاشق وله بهيه

وكل شاعر وله اغاني

وأنا اللي عشق الصبايا كاري

أعشق وأغني ما اقدرش اداري

واي نظره بتجيب قراري

وايشحال عيونك

يا الاسمراني

الى المعذبون فى هندسة باقى من الزمن .....6 ايام

استقيظت -حلوة استقيظت صح -صحيت قمت من النوم يا عم انت مالك خانقننا كدة لية !!! صحيت مبكرا يوووووووووووة بدرى زي كل يوم ما بتنيل بصحى يعنى فى معيادي وانا مصدع من كتر النوم مش من قلته فانا يا عم الحاج من الناس اللى بتحب تشغل وقتها فى الاجازة استغلال زي الفل من تقضيه على القهوة - وما بين النت و مابين التليفزيون و مابين اهم حاجة ممكن شاب فى كلية الهندسة فى صيفه الا وهى ايوة الله ينور على سيادتك النوم -بنام تقريبا 10 ساعات يوميا بالليل ساعات بقوم من النوم ببقى عايز انام تانى من التعب و الارهاق ....
مش كسل لا سمح الله بس اللى بيحصل قينا فى الكلية ما يرضيش حد خالص يعنى والاسم انك متنيل فى هندسة وباشمهندس اقد الدنيا ياما هنا يا ما هناك ومسطرة تى و مثلث ارسطو و بلاوي زرقا -دة اسماء الحاجة بتاعتنا - "

صحيت و هرشت فى دماغى كالعادة وقولت البق اليومى بتاعى و بدا يوم اخر من عذاب البشرية و دة متعود اقوله كل يوم من ايام ما كنت فى الاعدادي لية مش عارف بس حلوة
بصيت يا خويا لقيت الساعة لسة 10.30 غريبة قولتها وانا قايم بحاول اشطف وشى فى الحمام و اشيل اثار النوم فى محاولة يائسة منى لانقاذ ما يمكن انقاذه ... وبعد كدة بصيت فى سكتى و انا ماشى على النتيجة !!! لقيت ان النهاردة 8سبتمبر يعنى فاضل 6 ايام على انتهاء الاجازة وبدا الدراسة الميمونة اعدها الله على الامة بكل خير والله
حسيت باحباط غريب -لسة حرجع تانى الكلية واعقد وادخل محاضرات و سكاشن تانى و اتخنق من الدكتور والمعيد واتعارك معاه و يخصملى من اعمال السنة اللى هية ضايعة ضايعة اساسا من غير مايخصمها اساسا وميت ترم فى اسئلة شبيه بالخيال العلمى وما تعرفش تتنيل تحلها ودة مش عيب فيك لا سمح الله انت زي الفل زيي بس المشكلة فى ان الدكتور بيعمل توهان و بيعمل عبدة -مع الاعتذار لكل اللى اسمهم عبدة - ويجيي زي الشاطر فى المحاضرة ويلغى جزء ويقول مش عليك او يقولك مش مهم مش حاجيبه اساسا وتدخل يا مسكين يا شقيان يا مطحون الامتحان تلاقيه كله من الجزء دة
او عليه 25 درجة من الامتحان وييجى يقولك استناج مهم -طبعا من نوعية الاستناجات اللى مش بيتفهم ولازم يتحفظ - ويقولك جاي
طبعا انت ما انك اهبل وعبيط -ايوة انا بشتمك -زيي تمام تصدقه وتلاقيه ماعداش اساسا على الفصل دة من المادة
عادي الدكتور بيبعتك يا معلم ...
دة غير مهازل الشفوى والعملى و الفاينل و اخيرا وليس اخرا مهزلة التصحيح والكنترول ماعلينا
عقدت فكرت انا لسة حعيد كل دة تانى دة انا يجيلى الحصباء الالمانى عقبال ماخلص بقى يا جدعان

افتكرت اغنية العندليب وهو بيقول وتانى تانى تانى راجعين للحيرة تانى و النار والعذاب من تانى
6 ايام و نودع كل الراحة وتبدا المطحنة قاهرة الرجال
6 ايام و تنتهى ايام العزوبية العربدة والسهر و اعقد زي الكلب اذاكر تخيل بعد المدة دة كلها لسة حعقد اذاكر واعمل واجب !! يلا حيروحوه من ربنا فين
6 ايام و تبدا النهايات بين الكلية والمواد واعضاء هيئة التدريس و بين الطلبة الغلابة المطحونين اللى زي حالتنا
ولتكن النهائيات او البدايات نار....