الثلاثاء، ٣٠ سبتمبر ٢٠٠٨
الأحد، ١٤ سبتمبر ٢٠٠٨
المنشور المصرى
لن اطيل عليكم
وساترك الايميل يتحدث عن نفسه
انه في السنة الثامنة بعد الألفين
في عهد الرئيس العتيق ونجله العميق
حيث انتشر في البلاد الخراب والحريق
ومات الناس بين منكوب وغريق
كتب المصريون يجأرون، وبربهم يستغيثون
اللهم اليك أشكو ضعف قوتي
وقلة حيلتي
وهواني على الناس
يا أرحم الراحمينانت رب المستضعفين وانت ربي
لا اله الا انت، الى من تكلني
الى بعيد يتجهمني
ام عدو ملكته امرى 
ان لم يكن بك عليّ غضب فلا أبالي، ولكن عافيتك هي الأوسع لي
أعوذ بنور وجهك الذي اشرقت به الظلمات، وصلح عليه امر الدنيا والاخرة، من ان ينزل بي سخطك، او يحل على غضبك
لك العتبى حتى ترضى، ولا حول ولا قوة الا بك
الأربعاء، ١٠ سبتمبر ٢٠٠٨
الدويقة - رحم الله المصريين
من مدة قريت خبر ان فى واحد كان مسافر ايطاليا بصورة غير شرعية
ومسكوا و رحلوا لمصر اول ما نزل ارض المطار حاول ينتحر
قريت الخبر زي كل الناس وقولت صحيح هى الحياة هنا مستحيلة و تكفر القرد الاحول بس مش لدرجة انى اموت كافر
مع الاحداث المتلاحقة اللى بتحصل حوالينا و اخرهم وليست نهايتهم حاذثة الدويقة
عرفت لي هو حاول ينتحر
والصراحة عنده حق
نعمل اية فى بلد مش عايزانا حتى نعيش
يمكن حادثة الدويقة اقتراح جديد من الحكومة عشان يحددوا النسل اصل الصراحة احنا بقينا كتير و عاملين زحمة و دوشة و الناس دة اتخنقت مننا
والله عندهم حق احنا شعب ابن كلب اساسا
لازم نتفنى عن بكرة ابينا عشان يستريحوا هما
وعادي يعنى لا يسعفنى غير ان اتذكر قصيدة احمد فؤاد نجم
اسيبكوا معاها و لينا كلام بعد كدة
يا ارحم الراحمين ارحمنا نحن عبيدك الضعفاء
هما مين واحنا مين
هما الامر والسلاطين
هما المال والحكم معاهم
واحنا فقرا ومحكومين
حزر فزر شغل مخك
شوف مين فينا بيحكم مين
احنا مين وهما مين
احنا الفعلا البنايين
احنا السنه واحنا الفرض
احنا الناس
بالطول والعرض
من عافيتنا تقوم الارض
وعرقنا يخضر بساتين
خزر فزر شغل مخك
شوف مين فينا
بيخدم مين
هما مين واحنا مين
هما الامرا والسلاطين
هما الفيلا والعربيه
والنساوين المتنقيه.. طبعاً
حيوانات استهلاكيه
شغلتهم حشو المصارين
حزر فزر شغل مخك
شوف مين فينا بياكل مين
احنا مين وهما مين
احنا قرنفل على ياسمين
احنا الحرب حطبها ونارها
احنا الجيش اللى يحررها
واحنا الشهدا ف كل مدارها
منتصرين او منكسرين
حزر فزر شغل مخك
شوف مين فينا بيقتل مين
هما مين واحنا مين
هما الامرا والسلاطين
هما مناظر بالمزيكه
والزفه وشغل البولوتيكا
ودماغهم طبعا استيكه
بس البركه فى النياشين
حزر فزر شغل مخك
شوف مين فينا بيخدع مين
هما مين واحنا مين
هما الامرا والسلاطين
هما بيلبسوا اخر موضه
واحنا بنسكن سبعه ف اوضه
هم بياكلوا حمام وفراخ
واحنا الفول دوّخنا وداخ
هم بيمشوا بطيارات
واحنا نموت في الأوتوبيسات
هم حياتهم تمضي جميلة
هم فصيلة واحنا فصيلة
حادي يا بادي يا عبد الهادي
راح تفهم قصد الغنوة دي
لمّا الشعب يقوم وينادي
يا احنا يا هم في الدنيا دي
حزر فزر شغل مخك
شوف مين فينا حيغلب مين!!!
